البارحة بالليل قلبت الأوراق |
مسترجع ٍحزّات قلبك يبيني |
يوم القلوب تذوب أول و تشتاق |
قبل يجيك الصد وتنسى حنيني |
واليوم همي شايله فوق الأعناق |
عقبك أنا يابنت جفت سنيني |
يبس الورق والقلب لازال خفاق |
لامرطيفك لوثواني بعيني |
روحي وانا باروح في لحظة فراق |
وعسى الذي دهواك حاله غبيني |
عهد ٍعلي لاحط حبك بالأعماق |
وانتي بكيفك سافري واتركيني |
ترى المحبه باقيه خير ميثاق |
والدمع ينشف والأوادم تييني |
واللي ثبت تميزه حسن الأخلاق |
واللي يطاوع أشهد إنه دويني |
طارق سليمان السويح - البكيرية |
|
