ألا يا الله دام إن الجروح من الزمن هي هي

تصبرني على جرح الزمان ولا تخليني

تعوضني وتجبر كسر قلبي دام راسي حي

وتنسيني عنا في داخلي ما هوب ناسيني

سكن بين الضلوع وحط له وشم سواة الكي

وعناني على رجوى الزمان وضاعت سنيني

صبرت وطال صبري والرجاوي ما لهنه في

عسى ما عاد لي يم الشقا درب يوديني

اخيل البارق اللي من سحابه ما سقاني مي

ألا يا الله لاشح السحاب بماه تسقيني

أنا ما استاهل اللي صابني من ذي ولا ذي

ألوذ برحمتك يا خالقي ما دام يمديني

تشوف الوقت شح بكل شي ولا عطاني شي

وأنا لولاي أخاف عقوبتك وش يقصر يديني

أنا عن كل شيء يغضبك يالله قصرت يدي

سمحت من الزمان وكل ما جاني يكفيني

أبي فزعتك لا خان الرفيق وكل قلب ني

وأبي منك الفرج لا ضاق صدري ودمعت عيني

يعورني زمان يجعل الطيب بوضع سي

ضحك للعالم اللي مالها مذهب ولا ديني

أدور للحقيقة والحقيقة مثل شمس ضحي

وحي ما رجاني بالعطا ما هوب معطيني

وألا يا صاحبي وان كان جيتك عقب هاذي عي

أنا قفيت عنك وطالبك لا عاد ترجيني

أدور لك عذر لكن فعلك بي مهوب شوي

وأنا ما عاد في صدري محل للسكاكيني

دخيلك رح بدربك يوم تقفي لا تطالع في

ولا تاقف على سكة جروحي تا تناديني

يجود الوقت في طعنة خفوقي مثل حاتم طي

وألد بناظري للي خلقني وارفع يديني

ألا يا الله دام إن الجروح من الزمن هي هي

تصيرني على جرح الزمان ولا تخليني

سالم الرويس

صفحة الجزيرة الرئيسية

الصفحة الرئيسية

رأي الجزيرة