من يقول إن الهوى نظره بعين |
ما صغره حب يعرفه ما صغره |
الهوى عشق وهواجيس وحنين |
في صميم القلب حسه تشعره |
يسري بدمك تحسه بالكنين |
له مكان.. وفي كنينك تذخره |
لو نسيته باقي بقلبك دفين |
لو تمر سنين... قلبك يظهره |
دام حبك صح تبقى له رهين |
رغم حزنك.. يعتريك وتذكره |
باقي بقلبك على مر السنين |
ترمي شراعك وبحره تبحره |
ياهل العشق.. المودة لو تبين |
ما هو عيب احساس قلبه ينشره |
بالهوى كل البشر متخالفين |
وحكي عذال الهوى يا مكثره |
دامه يحبك وحبه لك رزين |
املكه ما هي عداله تهجره |
تملكه عصفور قلبك باليدين |
خير من عشره على غصن شجره |
من يقول ان الهوى نظره بعين |
اشهد إن الحب عنده مسخره |
عبد الله بن صبيّح الشراري |
|
|
| |
|
