المجلس اللي ما يشيع التراحيب |
ما هو مشرّف من يجيله وراعيه |
سلم العرب ما ينترك يالمعازيب |
ياشين ترك الموجبات وتعديه |
نقصان جوف الوجه نقص المواجيب |
ياناقص الماجوب نقصانكم ليه |
من فوق راس المال خسر المكاسيب |
لا واخسارة من هقابه وراجيه |
للضيف حق وموجبات ومطاليب |
ومن لا حشم ضيفه عنته المشاريه |
شرهة تخص معربين المناسيب |
روس الرجال معدلين المتاييه |
اللي غذو بالطيب من منهل الطيب |
ساس جويد ولا تعذرب مجانيه |
اللي بقوا فحبال اهلهم مقاضيب |
ولا الكديش يموت ما نلتفت فيه |
لا يمكن انظر في شباه الرعابيب |
اللي يقودونه ويسحب باذانيه |
وان كان ما جاني على علمي مجيب |
حلفت مامره ولا أجيه عانيه |
نايف المقاطي |
|
