هذه قصيدة بمناسبة فوز الهلال ببطولة كأس ولي العهد وقد عودتمونا على نشر المشاركات المعبرة عن هذا الفوز شاكرين لكم إتاحة الفرصة لنا للتعبير عن حبنا لهذا الكيان متمنين لجميع الفرق التوفيق في قادم البطولات: |
المهره اللي قاصره عن ردى الحيل |
ما يعسفه يا كود راعي الاصايل |
غالي مهرها ماتجي بالتساهيل |
تبي الرجال معدلت كل مايل |
ودام البطوله باسم شيخ الرجاجيل |
(سلطان) (أبو خالد) حميد الخصايل |
ومن كف شيال الحمول المثاقيل |
(سلمان) راعي الطيب جزل الشمايل |
ماله سوى اللي مضوي كالقناديل |
(هلال) من غيره الهالكاس شايل |
اسمك كبير يازعيم على الجيل |
خيل اصيل عند حسم النزايل |
وسلام (يا هلال) تعلى على سهيل |
حاش الذهب والمجد وقت الصمايل |
نشرب غلاهم شربنا للفناجيل |
ونطرب لفنه ما ندور بدايل |
إلى لعب سوى بخصمه بهاذيل |
وما حايل عن كاس الابطال حايل |
يسعد جماهيره بجني المحاصيل |
وقدم لهم كاس البطوله دلايل |
مهره ولا جابه سوى فارس الخيل |
جت (للهلال) بكل فخر تمايل |
وصورة وفاء من كاسبين التنافيل |
قبل استلام الكاس فيها فضايل |
أعبارة تلقى من الناس تبجيل |
(إلا رسول الله فوق الفنايل) |
هذا (الهلال) هذا البطل دون تفصيل |
يغنيك عن كثر الكلام الفعايل |
ناصر صالح الشعلان (جريح نجد) |
محافظة الرس |
|
