أنا اشهد انه صار للفوز قيمة |
يوم الفرح رفرف على جملة الناس |
جن الملاعب مارضوا بالهضيمة |
عاداتهم يوم اللقا حبس الأنفاس |
باخلاص مع تصميم وايضا عزيمة |
تباشرت كل الجماهير بالكاس |
هذي عوايدهم سنين قديمة |
ومن شجع الأزرق يبي يرفع الراس |
لون السما ومخالطه لون غيمة |
لونين فيهن للفرح نبض واحساس |
كم ناديٍ قفا يجر الهزيمة |
من قدمهم عوَّد شفاياه يبَّاس |
من عقب ماهو طامع بالغنيمة |
أقفا يدينه تصفق أخماس باسداس |
حلمه تلاشى والليالي مقيمة |
والله يعين اللي طوى حلمه الياس |
ياالله تديم الفوز يالله تديمه |
على فريقٍ حاش عزٍ ونوماس |
|
