حبيبي والليال الأوله فالقلب كيف تزول |
حرام إن قلت لك ناسي حرام انته تناساني |
حبيبي والأماني والغلا مع حلمي المجهول |
حبيبي والزمان اللي تحديته تحداني |
تصدق في غيابك قلبي وفكري معك مشغول |
يجي طيفك يصبحني ولا مسى الليل مساني |
يقولون الغلا يذبح وانا اقول الغلا معسول |
ولو انه قسا في عملتي خلى وجافاني |
يقولون الهوى واقول غطى القلب عرض وطول |
سكن بين الضلوع وصار يا مرني وينهاني |
يقولون الفراق اصعب واقول بسبته مقتول |
يقولون إن رجع خلك اقول بوصله احياني |
وتنعش خاطري بسمة مجامل من ظريف الطول |
اضيع من الفرح وانسى الشقاء لو انه اشقاني |
حقيقه والغلا لازال فيني ساري المفعول |
بقت ذكراه طابع حي يجري وسط شرياني |
على رجوى السنين الأوله وارجي دوار الحول |
ليا من حل لي موعد فهقه بموعدٍ ثاني |
انا لان قلت وان ما قلت وان كاني بغيت اقول |
تصد وتبتعد وتعود لكن لا تنساني |
حسين بن عايض العتيبي -الخبر - السعودية |
|
