رثاء في والدة الأستاذ عبد المحسن بن إبراهيم الريس - رحمها الله - التي وافاها الأجل في يوم الاثنين الموافق 10- 1-1429هـ وقد تم تدوين هذه القصيدة في يوم الاثنين 19-1-1429هـ. |
علمٍ لفى جدد الأحزان جبريه |
الله يستر من الدنيا وتاليها |
صحيح الأعمار يالعقال عاريه |
مرد الأعمار لو طالت لواليها |
تغيب الشمس النهار وتقصر الفيه |
وعادات الأيام ما تصفي لياليها |
دنيا العنا والشقا ما هيب مبغيه |
أما البلاوي كفانا الله بلاويها |
وأكبر مصيبة كوتني واثرت فيه |
فرقاك يا اللي يلوف القلب طاريها |
وشلون ما أكتب ببنت العم مرثيه |
ما دمت محسوب شاعر لازم ارثيها |
نظيفة العرض والسمعة ونشميه |
أمٍ حنونة وكل الناس تغليها |
تشهد لها طيبة الأخلاق والنيه |
ومحرابها والصلاة اللي تصليها |
بالخير مذكورة والطيب ماريه |
راحت ورب الملا ماهوب ناسيها |
في ساعة يوم صحف الخلق مطويه |
عسى الولي من لهيب النار ينجيها |
يعل تسقي ثراها كل عصريه |
المزنة اللي من القبلة مناشيها |
يعلها في جنان الخلد حوريه |
برحمة اللي عليه الحال نشكيها |
طالبك يا اللي تغفر الذنب والسيه |
تقبل دعاتي طلبتك لا تخليها |
ناصر إبراهيم بن عبد الله المفرج -تمير |
|
