أوي فنجالٍ شربته لحالي |
فنجال ماله ثانٍ بالفناجيل |
فنجال من غالي يمده لغالي |
تهديه غير يديه سودٍ مظاليل |
مده علي وقال خذ يا حلالي |
لايا بعد من ينقل القال والقيل |
وأخذت فنجاله وريحت بالي |
وثنيت رجلي عندهم للتعاليل |
طال الحديث وكل شي صفالي |
وأرهيت منهم بالوفا والمحاصيل |
وقمنا على ما قال ماله ولالي |
ولا وعودٍ بالليالي المقابيل |
الله علم عن مقبلات الليالي |
هن يلقحن والا بعد يظهرن حيل |
عبدالهادي بن راجس |
|
