من قول الشاعر سند بن قاعد الخمشي العنزي - رحمه الله - المذكور من سكان أبا لدود بالأسياح قال القصيدة التالية يمدح أهالي الكهفة وقد سمعها ورواها فهاد بن فلاح بن دغيشم من الأسلم من شمر ودونها منديل الفهيد - رحمه الله - يقول سند الخمشي: |
|
|
يا راكبٍ من عندنا نقوة الخور |
حيل على الصجه اسجوم بهن زور |
يشدن نعامٍ في سنا الملح مذيور |
أسرع من قضب أيمانهم للنجيره |
حوفو عليهن يالعيال الهداليق |
حطوا عليهن من خفيف المعاليق |
كل اربعه معهم معاميل وبريق |
كيافة لهاك الوجيه السفيره |
تبكروا من قصر ابالدود باسناد |
والعصر بالترمس عن العمس ونوار |
وفنجال أشقر كن لونه الى انقاد |
مثل الخضاب بكف بنت صغيره |
قبل تغاب الشمس طبن مع القاع |
وتبدلن زين الترهوك بزوماع |
ما فوقهن غير الجواعد والأنطاع |
وخرج الحسا يا زين نثرة نشيره |
مرن على دار الشبالا (1) وراجن |
بارقابهن زينات الأرسان عاجن |
من عند أبلدود مع القاع داجن |
والدار تنشد عن خياره وأميره |
وجاهن محمد جازمٍ قبل يوتن |
وحلف عليهن كلهن ما يفوتن |
الا عددهن قارحات يموتن |
فوق اللقيمي بالصحون الكبيره |
ابو بنيه قال عندي عشاهن |
يوم الجماعه بكروا في غداهن |
يوم الضواين صيغة ما تناهن |
ذبح لهم عدوٍ سمين عقيره |
بغن يمدن مير عيا السنيدي |
اللي لضيفه كل يومٍ جديدي |
اللي بلو ذات المساعر يزيدي |
عتل الجمال الى تزايد هديره |
من بعدهم جاهم عيال المساعيد |
تغاوزوا بالطب هاك الأواليد |
لا جيتهم لكنهم في ضحا العيد |
على القهاوي يودعونه كثيره |
وولد المزيني قال حقي وانا له |
اللي كسب مع الحبابه جماله |
ولا عقب مداد تعدت رحاله |
يكود يضربهن بحرم وجيره |
جماعة ياوي والله جماعه |
متحاشكين الطيب بأمرٍ وطاعه |
الكل يومي للنضا في ذراعه |
كل ابلجٍ منهم قصيره خشيره |
النار ما عمره يبطل شعاعه |
والضيف ما يترك ولا ربع ساعه |
قالوا بدات وقلت حنا مسايير |
الى محمد ننشده عن عشيره |
|
لإبداء الرأي حول هذا المقال، أرسل رسالة قصيرة SMS تبدأ برقم الكاتب«6794» ثم أرسلها إلى الكود 82244 |
|
