جيتك غلا متحمل كل ما قيل |
فاقد حنان وجرح فرقاك أشيله |
جيتك وفا وإخلاص ما بي مقابيل |
أبيك لي خل يصارح خليله |
كلي ألم كلي جروح وبهاذيل |
متغرب عنك وروحي عليله |
تدرين أحبك يا هوى الروح بالحيل |
صدق المشاعر لك بقلبي أصيله |
يا نور عيني مالي اليوم تحصيل |
حجز التذاكر يم دارك قليله |
أنتِ على الميناء حياتك تساهيل |
بين الشواطي لك حياة جميله |
تقضين وقتك بالفرح والتعاليل |
وعنك هموم الوقت غيرك يشيله |
وأنا بشمال المملكة شايف الويل |
مع طيف حبك ساهر كل ليله |
إن كان لك بالقرب شف ومداهيل |
عودي على اللي دمر الحب حيله |
المتجه للمجهول |
|
