بدايةٍ من باب تقدير المواقف والجهود

اللي تعم المنطقة يا سيدي من كم سنهْ

وحنا بلدنا من صعود إلى صعود إلى صعود

الارتقاء انشد عنه والعكس لا تنشد عنه

ولا هي غريبة لفتتك تغني وطلعاتك سنود

والمستحيلة في عيونك يا بن بندر ممكنهْ

ومواقفك يخسى ما يجحدها المنافق والجحود

ينطق بها قلب المواطن قبل نطق الألسنهْ

وخيرك سحابٍ بارقة مشتب ويدنّ الرعود

تباشرت فيه الفياض المحدبة والأمكنهْ

وعضيدك اللي سيرته من زعفران وريح عود

فيصل ولد مشعل يا سعد اللي يحطه بأيمنه

ياقف مواقيف الفخر ويحل صعبات العقود

والطيب لا قاده أبو مشعل يقوده برسنه

واللي دعينا له وحنا بالركوع وبالسجود

أقفت خطاه ويا عسى له كل خطوة بحسنهْ

دكتورنا هشام من أرسى القواعد والبنود

أيضاً ونعمل بالوصايا اللي خذيناها منه

هذا الهشام ولا على دكتورنا ابن سرور زود

أفضل خلف لأفضل سلف موجود عبر الأزمنهْ

والشاعر اللي لا دعوه بحفل داره ما يجود

قولوا لا صحّ الله لسانه ولا صحّ بدنه

وما دام حنا للبلد هذا وحكامه جنود

الارتقاء ننشد عنه.. والعكس ما ننشد عنه

صفحة الجزيرة الرئيسية

الصفحة الرئيسية

رأي الجزيرة