دام الوفا فينا فحنا وفيين |
يقولها القايد .. وحنا نلبّيه |
(كاس الوفا) قدام كل الملايين |
وقدّمه (أبو متعب) للي رغب فيه |
كاس يعيد أمجاد ويرجّع سنين |
لأميرنا (شقران) .. والكل يبغيه |
هذا (سويد) العام ويفكر الحين |
يحافظ عليه اليوم وأغلى أمانيه |
ومعه جياد كثار تحت العناوين |
(خبير وجايز) .. ما هي مفرّطه فيه |
مرشحين أبطال ما تتركه لين |
يكسب أحدها الكاس من جهد تعطيه |
(والأسطبل الأزرق) ما غفى طرفة العين |
دامك يا (أبو نايف) من العشق بانيه |
سلطان حققها ونذكره سنتين |
وكيف (السباعية) .. في راحة يديه؟ |
وأكيد ما يقبل من الحل حلين |
لازم يرجعها .. بلا كيف أو ليه؟ |
وما علينا غير نستمتع الحين |
بشوط ناري .. ننتظر في حراويه |
وجعلك يا (عبد الله) تبقى لنا سنين |
لأنك (وفي) .. نفداك .. ونقول .. (لبيه) |
مبارك البنيّان الدوسري |
|
