نظرات عينك والرموش سحروني
عجزت أقاوم نظرات العين يا زين
واسترسلت من رمش عينك شجوني
ونزفت شعري من صميم الشرايين
أرجوك حطي صورتك في جفوني
ودّي أشوفك كل ما غمض العين
ودّي أشوفك زهرة (ن) في عيوني
حتى مع أحلامي أشوفك تطلين
هاتي غرامك واترك اللي يبوني
أنا ترى لي قلب ماني بقلبين
أنا أبيك ولا أبي من بغوني
يفداك شيخات البشر والمزايين
دام المشاعر في هواك ارغموني
وأنا الذي ما يفكر بحب ثنتين
كل البشر من نظرتك يحسدوني
ما الومهم من شاف طرفك شكى البين
تعالي دام هموم قلبي نسوني
بس اذكريني لو ذكرتي ملايين
"مدارات شعبية"