يا صاحبي لا تكسر الروح بالروح
من علّمك يا رشيد تكسير الأرواح
ودي على الكلمه ودي على البوح
مير العيون اللي تصافحني شحاح
للحب في صوتي تباريح وجروح
ويا ليتني بعد السكوت أقدر أرتاح
سكت وأثر الصمت فاضح ومفضوح
وبانت ورا صمتي تناهيد وجراح
راح الكثير وعدت من غير مصلوح
ولا كنت أحسبها مخاسير وأرباح
مرت بي الدنيا على ضحك ومزوح
وياشين طعم الحزن من عقب الأفراح
لي صاحبٍ شيد على قلبي صروح
وأقفى وعاثت في مبانيه الأرياح
ما طعت عذالي ولاني بمنصوح
المزن ماغير طعم بحر الأملاح
لو البحر يقدر على الساحل نزوح
لا اترك شعوري وأترك القلب وانزاح
من كثر ما احاتي إذا جايبي يروح
كنّي قضيت العمر لاجا ولا راح
"مدارات شعبية"