آه وا ويلاه من قلب يجول
حاير ما فيه حيل واحتوال
من زمانٍ فيه شارات تهول
دار والوبه علينا باحتمال
يوم كثر المال بكفوف النذول
كثر عند البيض تربية الحلال
الردي لو صار ماله قالتلول
عن طريق المرجله طقه جفال
من يريد الفقع ينبت بالمحول
مثل من يرجي الحليب من الجمال
الصدود اصفن وزادن الدحول
عنك ذا وقت تشوف به الهوال
افتكر بالوقت في عرض وطول
الولد عن والدينه ما يسال
حرمته ياتي لها مثل الذلول
في كفوفه تصفعه في كل حال
صابر لو هي على راسه..
مرخص له بالحلال وبالعيال
كن سرك عن رديين العقول
الحريم ومثلهن من الرجال
وان بغيت العز وحبالك تطول
لا تجالس كود ماضين الفعال
وان جلست بمجلس فيه النذول
مجلسك ياتي على راسك وبال
"مدارات شعبية"