يا شموخ العز في يسرٍ وشده
ياسنام المجد يا نور الدلاله
ياوطن حدب السيوف المستعدة
ياذرا التاريخ ياصفوة رجاله
نصرة الاسلام فأولته وغده
مهبط الوحي ومقر أصدق رساله
للمعالي تلحق الشده بشده
بالشجاعة والسياسة والاصاله
أسسك عوق الخصوم المستبده
شذرة السيف الحدب رمز العداله
جدنا عبدالعزيز مزيح ضده
مروي الاخصام من كاس النكاله
بالرمك والا بزاهية الاشده
ضد شرهين العدا واورد حباله
طير حرٍ لاحدم صلفٍ مهده
اعتزا فالضيق للكايد وشاله
وحدك لين الرخا عمك بنده
وارتكوا للحمل من بعده عياله
قادك سعود وشمخ بك وانت سده
للرفاعه باذلٍ جهده وماله
وفيصل العليا وكف العز مده
لين ركب الحبل من فوق المحاله
وخالد عنان الجمايل قضب يده
ويدحم بجنبٍ متين ابو الجماله
وفهد موصل كل علم عند حده
في وكاد الامر والا فحتماله
ظلهم لا ياذرا العبد وملده
ياكريمٍ بالعطا ياذا الجلاله
وعين ابو متعب وبالتوفيق مده
قايد الاسلام زامي مازماله
عيلمٍ مابيح التاريخ سده
فكر أجابة من تكلف في سواله
لرتخا طنب العروبه هو مشده
يرتكي للحمل ويطوح عقاله
اشهد أنه كل ما جوبٍ يسده
واشهد انه هو زيزوم الشكاله
وارثٍ للطيب من عوده وجده
وزاد طيبه طيب من ماكر خواله
ارجحٍ والمدح ماله عنه ضده
ولازهاه المدح هو اللي زهاله
من كتاب الله حكمه مستمده
ولا يلد العين لدعاة الضلالة
للمعادي ساطيٍ بنار حده
وللصديق مصافيٍ سمحٍ قباله
سعد من ينخاه بخت اللي يوده
اويل من ياقف بدربه واعتزاله
الرخا عم الوطن من جود مده
ابهج لشعبه وحارب للبطاله
يعضده حرٍ سجل الطيب عده
ضلنا سلطان فزعة من عناله
حاتميٍ من عزابه مايرده
كن للمعروف في كفه وكاله
والمشاعر في وطنا مستجده
والشعر يا صعب تبهيرة دلاله
شاعرٍ مرهي ما قلص جم عده
وقيس شعره عند شعار الجزاله
للملك عنّ الهجوس المستعده
عنّ خيل معزي بحزة قتاله
وذي شعور الشعب من شرقه لجده
ومن جنوب بلادنا حتى شماله
والرخا بالدار فايح نفح نده
والملك للمرجله طوح عقاله
"مدارات شعبية"