Thursday 21st September,200612411العددالخميس 28 ,شعبان 1427

     أول صحيفة سعودية تصدرعلى شبكة الانترنت

 

انت في"مدارات شعبية"

لا تكثر الشرهات لا تكثر الشرهات



يا صاحبي يوم القلوب يتجافن
ويش السبب يا طيب الفال قل لي
الشك والتشكيك والهجس والظن
الي كثر يخلف صلاة المصلي
والشرع حكمه ياخذ السن بالسن
انكان ما به حل قبله يحلي
دروس واللي بالدروس يتمعن
فيه القدم عن دربها ما تزلي
لا صار تقدر تكتم الغيض وتكن
كن الغضب يا الخاطر المسفهلي
وعرف بدون قصور تشره على من
لا تكثر الشرهات يا طير يا اللي
وحسب حساب علوم لو راحن وجن
يفرح بهن قلب البغيض المغلي
اللي الردى والطيب عنده تساون
تبي النصيحة كاش خله يولي
عن خوته ابعد لو تخاوي الجن
لا خير يا اللي خوته ما تسلي
مالك ومال اللي علومه يغثن
وش تاخذ من السالفه وش تخلي
اقلط مع الطيب على الهيل والبن
الصاحب اللي صحبته ما تملي
نجمك الى عانق نجوماً تعلن
كلا إلى شافك السانه يهلي
واللي عليه ضروب الأيام يبدن
يذل لو وقته ما هو وقت ذلي
عليه صلفات الظروف يتصافن
والي تصافن طاح طيحة مظلي

مقبل البلوي - القريات

 


[للاتصال بنا] [الإعلانات] [الاشتراكات] [الأرشيف] [الجزيرة]
توجه جميع المراسلات التحريرية والصحفية الىchief@al-jazirah.com.sa عناية رئيس التحرير/ خالد المالك
توجه جميع المراسلات الفنية الى admin@al-jazirah.com.sa عناية نائب رئيس التحرير/ م.عبداللطيف العتيق
Copyright, 1997 - 2006 Al-Jazirah Corporation. All rights reserved