يا بحر جدّه بسألك وابغي الإجابة وافيه
سؤال واحد بس أبي من شيمتك رد الجواب
جُمله بعد أو مفرده منّك تراها كافيه
أكسب بها دعوه أو أكسب منّها خير وثواب
أرجوك ما يوجع خفوقي غير لا. النافيه
يا شينها ما منّها غير الماسي والعذاب
ما شِفت من تزها وتزهاها الهدوم الضافيه
ما شِفت من بحضورها تِشعل شموعٍ طافيه
ما شِفت هاك العيطوس اللي تعز القافيه
ما شفت من بعيونها ترسل مغاوير الحراب
هذيك شوفتها وطلّتها تجيب العافيه
هذيك لو قلت الشباب بدونها ما هو شباب
هذيك بسمتها ولا أبالغ برّبي شافيه
هذيك تستاهل اليا غابت نعم لوم وعتاب
هذيك لو تمشي على سِيفك وإلا رجل حافيه
تنبت ضفافك عشب ومع العِشب يغشاك السّحاب
إن شِفتها كرّر عليها وافيه يالوافيه
ما تعلمين بعاشقك وش صار به بعد الغياب
"مدارات شعبية"