نحمد اللي عزنا رب البرايا
جاعل الإسلام للمسلم كرامه
رازق الإنسان هو جزل العطايا
فارض الأركان من حج وصيامه
يا كريم أديم عزك يا رجايا
للوطن والدين ورجال الزعامه
صفوة الحكام وعقول الدهايا
عالم الإسلام هم ذروة سنامه
نخبة آل سعود قادات السرايا
محتمين الدين في شذرة احسامه
خادم البيتين محمود السجايا
للوطن وابناء الوطن حقق مرامه
يا بو متعب عاشت يديك السخايا
يا كريم النفس يالرمز الشهامه
يا حبيب الشعب يا جزل الهدايا
دام عزك يا ملكنا وسلامه
طاب فالك حاوي كل المزايا
في قلوب الشعب حبه واحترامه
خادم الإنسان في بيض النوايا
والعروبة والعرب كل اهتمامه
يا وطنا والعلم فوق العلايا
يرسل الخفاق للبيد ابتسامه
ذكر يومك يا وطن وسط الحنايا
حي ذكره والفخر بصمة بهامه
للوطن تاريخ وأمجاد وسوايا
صاغها التاريخ ومعزي وسامه
حي ذكر اللي جمع شمل القرايا
وحد البلدان ثم صدر نظامه
الزعيم اللي حكم فوق المطايا
والسواري والمشوك في حزامه
وحد الأوطان وقلوب النزايا
واعلن التوحيد من قلب اليمامه
واستتب الأمن في كل النحايا
والشريعة ديننا والاستقامة
والسلام اختام في قول النقايا
والتحية وآلولا مسك الختامه
"مدارات شعبية"