يا اللي في بحر الشوق ناديت مشتاق
لا تحسب أن الغوص كلٍ يجيده
لا تحسب أن البحر ضحلٍ وتنساق
لا إياك تغرق في البحور العنيده
ما كل من يسهر ترى قيل عشاق
وما كل من يبكي حياته نكيده
وما كل شخصٍ يبتسم خاطره راق
وما كل من يضحك حياته سعيده
وما كل من يقرا شعر صار ذوّاق
وما كل من يكتب بيكتب قصيده
وش عرف العميان في وقت الاشراق
لا جاه نور الصبح وش هو يزيده
مثل السجين اللي نسى وقت الاطلاق
عنده ترى سيان صومه وعيده
ترى المحبة كلها هم وافراق
واسأل مجرب جاب همة بأيده
"مدارات شعبية"