أوّاه ليت أوّاه تشفي جروحي
وأواه ليت أواه لا قلتها أرتحت
جار الزمان وصار قاسٍ شحوحي
واشتد جوره لين طوّل وصرّحت
من خلقتي والحظ ضدٍ لروحي
أفرح بوقفاته ويفرح ليا طحت
كسّر مجاديفي وخالف طموحي
وبيد خفايه بالعنا لين بيّحت
وضيّعت في وسط الزحام النصوحي
اللي على شانك يدوس الخطر تحت
وتكبروا ناسٍ وأنا أشوف وأوحي
عشان روس أموال وأموالهم سحت
وناسٍ ضمايرهم علينا تفوحي
الكره وسط قلوبهم منّحت نحت
وناسٍ تدور فالشموخ القروحي
تفرح بزلاتك وتسكت لرجّحت
لا تسألوني ليه ماني مزوحي
ولا تكثرون اللوم يا ربع وإن شحت
عمرّت في بيد الهقاوي صروحي
وخليتها يجوي بها الريح ثم رحت
"مدارات شعبية"