للروح توأم دون كل المحبين
مشاركٍ نبضي بصادق احساسي
يا نور شوف العين، والعين للعين
تشتاق رغم ظروف شخصك وناسي
مهما ابتعد ما والله انسى وتبقين
تاجٍ على راس المحبه.. وراسي
والشعر بعض البوح في ساعة البين
والحب موجٍ هدّ عضدي وباسي
ومهما كتبت الشعر.. أدري وتدرين
عن لوعة المنصف بوقت المآسي
حتى ولو تخطين يحفظ لك الدين
وبسالفة طيبك تدور الأماسي
لكن عزاي ان الغلا فيه ثنتين:
يحيي القلوب، وثابتٍ كالمراسي
"مدارات شعبية"