عسى اللي حمل يوم الغرق في سفينة نوح
أرواحٍ نوى من صفق الأمواج ينجيها
حملها عن أهوال الخطر فوق سطحة لوح
لين إن السفينة وقفت في مراسيها
ينشي سحابٍ براقه بالدجى له ضوح
يخيل على نجد العذيه ويسقيها
ليا ما ترتوي خدانها والمحل يروح
تقافا هماليل الحيالين تحييها
من الناوة اللي نبتها يشبع المشفوح
تعم الديار بسيلها وبمراعيها
يامرها كريمٍ بالعطايا ماهو شحوح
وحليمٍ على ظلم العباد ومعاصيها
هديه من اللي مد خلقه بفضل الروح
وضمن قوتها وأمراض الأجسام يشفيها
بروق الحيا يطرب لها الخاطر المجروح
وتشوق العيون اللي تراعي وترضيها
راع الماشية يمشي بها خاطره مشروح
وراع المزرعه يزرع ويقطف نوصيها
إليا منه سجع صوت أم سالم وورق الدوح
تبدد هموم اللي مع الصبح يوحيها
"مدارات شعبية"