حبيبي صبرت وباح سدي وصدري ضاق
ونفسي عشانك يا ريش العين مرهقها
على ذكريات العام جيتك وأنا مشتاق
عسى أحلامنا بعد المفارق نحققها
ترى السالفة ما هيب حبر وقلم والوراق
ليامن خلصنا وانتهينا نشققها
ترى السالفة من بعد جمع القلوب افراق
قلوب تحب وواهج البعد يحرقها
ترى الهجر والحرمان والصد ما ينطاق
وهاذي على نفسك لعلك اطبقها
وناسٍ تحفظ الحب والعهد والميثاق
عسى الله يجمع شملها ما يفرقها
"مدارات شعبية"