ماتت الفرحه وفي سن الرضاع
وكفنت بالدمع من عيني صبيب
صعب يا فرحه على قلبي الوداع
وصعب شمس الحب عن عيني تغيب
سبّة اللي قد شريته ثمّ باع
وزوّد احزاني وخلاّني كئيب
حطّني باوّل خطى درب الضياع
ومن حطب هجره تزايدبي اللهيب
شوف عيني مخطي ماهو سماع
بعد هذا كيف يبغاني حبيب!
كيف من بعد المفارق الاجتماع
والحبيب الأوّلي صاير غريب
هو خطا ولا تهوّر واندفاع
والمقدّر صابني هذا النصيب
أحمد اللي كاتبه في كل ساع
واشكره وارجيه في روحي تطيب
أشهد ان الحب لامن ضاع.. ضاع
والخواطر كسرها ماله طبيب
والتجافي ما يجيب الا انقطاع
والعذر ما يبري القلب الصويب
"مدارات شعبية"