للشعر روح وللمشاعر طواريق
والهاجس الراسي دعتها شجونه
واسترسلت للقلب دام المعاليق
ما هيب تقبل كلمة العذر دونه
واقع مشاعر من معاني وتعميق
أبلغ براهينه مشاعر فنونه
رغم الزمان اللي جباله شواهيق
ترسي على أعلى ما على من ركونه
ساحة فضا يلجا لها القلب من ضيق
ويحس فيها إنها على الوقت عونه
والله عليه ومنه كل التوافيق
وأمره عظيم بين كافه ونونه
عساي أسج من التفاكير وأطيق
جرحٍ شكت مرابع الروح كونه
ومن غير شرحٍ للمعاني وتدقيق
مبدا الوفا ما غيّر الوقت لونه
وذاك الغلا اللي له بالأعماق توثيق
من واجب الروح الجريحه تصونه
تنساق له كل المشاعر ولا سيق
صافي غلاها الا لداعي شجونه
"مدارات شعبية"