البارحة كنت أول الليل غافي
وتاليه سهرني عن النوم داكوك
داكوك عن كل المخاليق خافي
عليه باب السر محكم ومصكوك
خوفٍ من خطو الكذوب الرهافي
اللي يحط قليل الهرج مبروك
يا بو محمد يا ربيع الضعافي
يا مكرمٍ طلقين الأيمان لاجوك
الوقت شان وبان فيه اختلافي
كم صاحبٍ نصحه به الغش مشروك
وين الصديق اللي عن الغش صافي
اللي يصير بلزمة الطيب مملوك
اللي إليا جاء حزم كلاب يافي
وصداقته ما يجيبها ريب وشكوك
ونعله تنعلني إليا صرت حافي
ويحط رجله في طريقي عن الشوك
هذاك أوقع له بختم اعترافي
واللاشا خشمه عن مساعيه مفروك
اللي علومه طيبه بالعوافي
ما دامها ما وصلت الجهد والبوك
لكن مثل ما قال صقر النصافي
احذر من اللي لا انتهوا منك طفوك
"مدارات شعبية"