يا بو شكر ونّيت يوم اقبل الليل
ولاحدٍ بحالي يعلم الله داري
ونّيت ونة واحد ما معه كيل
هذا يكيل وذاك للكيل شاري
والله لولا خوفتي بالدهر ميل
وأخاف من كثر الحكايا واداري
لا صيح وازعج حامي الصوت بالحيل
اصرخ بعالي الصوت وانخي مشاري
ياتين فوق اشمرة تكسر الذيل
أطرافها ما لمها اللبس عاري
أصيح انا بالويل وأقول يا ويل
يقول: افا يالحثربي ويش جاري؟
واقول ذبحي خالط المسك بالهيل
عبث يدمر بالزباد الخزاري
له قذلة سودا كما داجي الليل
من مقدم العطفة عليهن مواري
وعيون طفقات هدبهن مضاليل
يشدن عيون مصخرات الحباري
فوق املح يجري كما يجري السيل
يجري كما يجري مع الريح ذاري
راعي التراكي صابني والخلاخيل
صابن عسى تجري عليه الجواري
"مدارات شعبية"