يا صاحبي القلب زادت همومه
والعين عيّت عن لذيد المنامي
كم ليلةٍ مرّت ولا ذقت نومه
كنِّي جريح أو كسير العظامي
دنيا تخالط حلوها مع سمومه
صار الردي طيّب وصاحب مقامي
وراع المراجل صار كل يلومه
لو كان سلَّم ما يرد السلامي
ما دام ما يملك من المال كومه
ولا فيه مصلوحٍ بعرفه يقامي
نعرف دروب الطيب نعرق سلومه
واللي على دربك بعيد الملامي
احذر تخاوي من رفيقه يلومه
اللي لسانه ما يعرف الحرامي
طبعه نذاله والحسد من وسومه
قلبه سواة الصاج مظلم ظلامي
خويك اللي فالمراجل علومه
اللي على السنّة يصلّي وصامي
ومن حاد عن هاالدين ما طاب يومه
يضيع في بحر عميق متطامي
"مدارات شعبية"