جعل السحاب اللي رعوده لها ارزوم
ينشي على قبور بها ناس بادوا
ما كنهم ساروا على الأرض لو يوم
وما كنهم فالأرض عاشوا وسادوا
وياكم عرفنا من طحاطيح وقروم
واقارب واصحاب عاشوا ورادوا
قضايه اللازم وهل فعل وعزوم
أهل الروابع بالمواجيب جادوا
ومقدرين الضيف والجار ومحشوم
وعلى علوم الطيب ياكم تهادوا
وما باقي الا آثار حيطان ورسوم
وما كنها بنيت وسكنت وشادوا
فسبحانه الدايم ولا غيره يدوم
وخلقهم أمن الطينِ وللطين عادوا
والعمر مثل الزرع والزرع مصروم
ومهما تباهوا الخلق ولا تمادوا
فما فيه شخص صار من الموت معصوم
ولابد من يوم جموعه تقادوا
ويا ويل منهو يا هل الخير محروم
يوم ينادي الحق هيا تنادوا
لا جفت الأرياق والشوف ملطوم
والخلق من هول القيامة تعادوا
وناس على جنات وانهار وغيوم
وناس على نار سعيرة تحادوا
"مدارات شعبية"