يالامير الشاعر السامر الشبح المعروف
يحفظك من يعلم السر والعلانية
حيرت قلبي هنوفن جميله بالوصوف
داخلن بالعشر عمره على الثمانية
قالت ادري ياحياتي بحبك لي واشوف
حالتك من عشرتي تختلف بالثانية
قلت في تعذيب قلبي تسوين معروف
بس عندي ياحياتي مشكله ثانية
قلت ادري فيك تبيني وانا ماني عيوف
يابعد عمري وربعي وكل الدانية
قلت لا والله واللي بحالتنا يروف
مستحيل انساك وانتي لبيتي عانية
بس اخاف ان القمر فيك يبدأ بالخسوف
وينهدم قصر بالمحبه على اللي بانية
والله اني عارف ان لك طروف ولي ظروف
ابعدي عني لو البعد ما احد يدانية
لين تصفى حالة الوضع من بعد الكسوف
والحبايب تمرح الليل كله هانية
قالت : إني خايفه خوف من خمس الحروف
واتضح لي كلمة الياس في معانيه
صح مالك سوق يا ذوق ياشوق الالوف
لكن انك لو تروحين روحي يافانية
ياامير الشعر ياصاحب القلب العطوف
حيرني لا سريعه ولا امتوانية
ودي ابديها لحضرة سموك دون خوف
قلبه المجروح تلعب علية السانية
والسهر والصبر لا باس لو كان امخلوف
حظي الماخوذ قفوا به الزبانية
بين نار وغار واخطار طعنات السيوف
بالحشاء من دون ذنب ٍ وجرم جانية
مركبي في بحر حبة تعرض له اصدوف
امنياتي تبعد الخوف عن موانية
"صيف حائل"