يا وطنا دام عزك تحت ظل اخوان نوره
الملوك اللي بنوا مجدك وخلوا لك مكانه
بالشريعة والعدالة والتفاني والمشوره
حققوا للشعب حلمه واحفظوا أمنه وأمانه
عاش ابو متعب ملكنا عاش والدار معموره
وجه خير وعم خيره كل شعبه في زمانه
الليالي نورها بادي وزاد النور نوره
والسعد والخير في يمنى البطل جوّد عنانه
خادم البيتين مدّ بخدمته لله جسوره
طاعة الله والوفى للدين شيء في كيانه
خدمة الإسلام ورثٍ له ونبع من جذوره
عاهد الله يخدم الدين وحفظ عهده وصانه
استلم حكم البلاد من الفهد خير صوره
يا عسى ربي يسكن فهد بارد جنانه
ما تولى حكم شعبه بانقلاب ولا بثوره
احكمه بالحب وبكامل رضاه وبامتنانه
عنده الشعب السعودي مستوي في كل اموره
ما لا أحد تمييز مهما كان حجمه أو مكانه
البلد خيراتها ما هي على ناس محصوره
ما حدٍ له وضع غير ولا حدٍ عنده حصانه
في القسا واللين ولا في اقصى حالات الضروره
شعب واحد حكم واحد لا مجامل لا خيانه
مكرماته للمواطن والوطن غايه سروره
ما يدور من وراها مجد حكم وصولجانه
كم فقير وعاجز محتاج في بيته يزوره
الفقير اشتاله من الفقر والمحتاج اعانه
حاكم نفسه على الاسلام والامة غيوره
عزّ دينه لين ربي عز من قدره وشانه
حاكم ماله شبيه في غيابه أو حضوره
يوقف العالم ويقعدها بكلمة من لسانه
حاكم له دور ما يقدر يقوم احد بدوره
حاكم معطيه ربي فالحكم عقل ورزانه
المداد يجف للكاتب قبل تكمل سطوره
والعقل ما يستطيع الوصف لو كله شطانه
والشعر لو نحكم اوزانه ونسبح في بحوره
ما اكمل الوصف الشعر والشاعر التعبير خانه
والقوافي لو تشح بمدح آل سعود معذوره
اسرة يشهد لها التاريخ ويحفظ الامانة
سيرة بامجادها في ذهن الايام محفوره
الزمن يشهد لها والصدق يضمنها ضمانه
قالها شاعر وحبه للوطن حرك شعوره
وان بخل شعره بمدح الدار ما هو بالقوانه
"مدارات شعبية"