هو ليه صديت عني يا هوى بالي
يا شين بعد التواصل صدتك عني
من بعدك اعيش في همي وغربالي
همي غدا راس مالي والحزن فني
عايش مع الناس كني عايش لحالي
مع الهواجيس يقصني ويدنني
يا زينها ذكريات العام يالغالي
ليت الليالي الجميلة لي يردني
يوم إن بقلبك تعلى قدر منزالي
وانته بقلبي رضا مدري غصب عني
غارق بحبك من اقدامي ليا عقالي
وتقول احبك وزود الحب جنني
واشوف منك الغلا مدري تهيا لي
من زود حبك تمادى بك حسن ظني
واشوف حبي معك سامي ومتعالي
حب اللهو والرذيلة ما يجي مني
من صافي الحب منهالك ومنهالي
نقطف زهور المحبه عشق ونغني
لين المقادير قفت بك على الخالي
وصديت عني ولادري وش حصل مني
"مدارات شعبية"