يا سامع الصوت جاوب للمنادي
خذ واعط معنا وتنحل القضيه
أنا بوادي وعذالي بوادي
بس أنت لا تستمع لأهل الرديه
لو قيل لي: (لا حياة لمن تنادي)
أقول: تكفي الأحاسيس الخفيه
خلتني أصبر على حرقة فؤادي
وجروح فوق الجروح الأوليه
يا سامع الصوت لا تخلف ودادي
لا تجرح إحساس روحٍ لك وفيّه
لا تسمع اللي يقولون الأعادي
حتى تمتع بالأيام الهنيه
أيامنا بالامل دايم جدادي
ونغيظ حسادنا صبح وعشيه
"مدارات شعبية"