Al-Jazirah

وقفة مع شاعر وقفة مع شاعر

الشاعر المعروف فهد عبدالعزيز الرميان من الشعراء المجيدين.. له العديد من القصائد الجيدة تطرق شاعرنا بقصائده جميع جوانب الشعر فأجاد له قصائد وطنية متعددة قالها في مناسبات بالإضافة إلى قصائده الاجتماعية الذي عالج بها كثيرا من جوانب الحياة وكذلك قصائد الحكمة والغزل العفيف.
نبدأ بأبياتٍ من قصيدة طويلة قالها شاعرنا في أحد المناسبات وتطرق بها إلى مدح مؤسس هذا الكيان الشامخ جلالة الملك عبدالعزيز بن عبدالرحمن آل سعود طيب الله ثراه حيث يقول:

أبو تركي بنى بالمجد دوله لين خيره عم

جميع المملكة وايضا تعدى الدار والديره

جمع شمله قوي الباس لمه بالعزيمه لم

على سرج المهار ارساه ابذكر الله وتكبيره

رحمك الله يا عبدالعزيز الصيرمي الشهم

لو ان الكل يدعي له سنين ما لحق خيره

أما في مدح خادم الحرمين الشريفين الملك عبدالله بن عبدالعزيز وولي عهده الأمين فيقول شاعرنا:

الا يالله تنصر خادم البيتين يا غفار
ابو متعب ملكنا عزنا ياوال الاقداري
وابو خالد ولي العهد وان شط الزمان وجار
تنهض قال انا له واحتماها واف الاشباري
سناد الشعب والدين القويم ومحتمين الجار
قضايا العرب تشهد والشعوب وكل الاقطاري
هل العوجا هل الماضي هل الحاضر لهم تذكار
لهم مجد ولهم عز ولهم تاريخ واخباري

ومن قصائد الحكمة نختار هذه الأبيات من قصيدة لشاعرنا حيث يقول:

ترى العز بالطاعه وذكر الله المعبود
الهٍ كريمٍ كل خلقه محيط ابها
وترى الناس مثل اصباع كفك بنقص وزود
احد يطلب العليا واحد له يحاربها
وترى رفقة الطيب تزيدك شرف وسعود
تجّود وقرب نسبتك من مناسبها
وفي أحد المواقف يقول شاعرنا:-
والله اني لا غشيم ولا لئيم ولا بليد
غرني لين الكلام وزايد الهرج الدقاق
الجبال الصم ترسي ما يذوب إلا الجليد
طقةٍ منها صحيت ومن وجعها الراس فاق

وكذلك يقول شاعرنا من قصيدة طويلة:-

احسنت فيك الظن والطيب ما فاد
ومن يفعل المعروف بالاش غادي
اللاش لو هو من ضنا ابوك ما جاد
يشناك لو تعطيه دم الفوادي
يضحك اليا شافك عن الحال نشاد
بالوجه والا بالقفا لك معادي

ومن قصيدة اخرى نختار لشاعرنا قوله:-

وين القصيد اللي يروّح عن الروح
يا كود همٍ بين الاضلاع ينزاح
وين السوالف والتعاليل ومزوح
مع الربوع اللي له الكيف ينساح
السد ما هو بين الاثنين مفضوح
والكل منهم للمواجيب نطاح
ودي اهيض ودي انوح وابوح
اسج لو ساعه من الوقت وارتاح

ومن قصائد شاعرنا التوجيهية نختار هذه الأبيات:

الا يا من تمادى بالظلايم مبدي المجهود
تذكر واذكر القبر وعذابه جاك تحذيري
جهنم تصطلي ما تكتفي تطلب وهل من زود
توقد في سواده له شهيق وله تزافيري
رسالة للحصيف اللي يعرف الحق والمنقود
وانا وان قلت مهما قلت محتاجٍ لتذكيري

وكذلك لشاعرنا هذه الأبيات يحث فيها على الصبر عند الشدائد:

اصبر لو ان الصبر للحال سلال
واثبت ولو كثرت عليك الغرابيل
والصمت حكمة قالها راع الامثال
الصبر من طبع الرجال الحلاحيل

ومن قصائده الغزلية نختار لشاعرنا قوله:-

يقولون ابدع اشعار الغزل يا سامعي واقول
طويت شراع حبي مع هذاك الصاحب الغالي
توالفنا وفرقنا الزمن وين انت يالمجمول
مضت عشرين عام عد ما فارقت عن بالي
صحيح ان الهوى راعيه لا صاحي والا معلول
يسجم حالته كنه مريضٍ فيه سلالي
تلاعبه شعوره ما يعرف الحد والمعقول
ولو تنصح جنابه راح نصحك له على الخالي

ومن قصيدة غزلية أخرى يقول شاعرنا:

مكسور قلبي كسر ماهو بجابر
عشرين عام الجرح ينزف ولا طاب
حبي دفنته وسط ذيك المقابر
من عقبهم مالي حبايب والا اصحاب

وفي الختام نتمنى لشاعرنا التوفيق.. وإلى لقاء مع وقفة مع شاعر آخر. ولكم تحياتي.
زهران عون الله المطيري
بريده