جيت مشتاق موت.. ورُحت مشتاق موت
سامح الله عيوني.. خلّتِك تسكتين
جيت بأنشد.. وش اللي بعد طول السكوت
والبلا ما حكيتي يا غلا.. وش تبين
توعديني.. وجيتك ما سمعت أيّ صوت
والا أنا في عيونك شفت شوق وحنين
شوق من جرح قرب.. وشوق من جرح فوت
يا الله.. اللي بلانا بالمحبة.. يعين
كنك الا حياة.. ولدة الحب قوت
كيف من دون قوتي.. يا حياتي تبين
اتلذذ بنومي.. والخلايق خفوت
في رجاوي لقاك.. وشوفتك بأيّ حين
اتنهّت.. ومرة للزفاير قنوت
تكتم الدمع عين.. وتفضح الشوق عين
وكلما جيت يمّك.. تلزمين الصموت
بالدّلع تذبحين.. وبالدّلع تستحين
وأنا قرّرت ذبحك.. يالدلع لين اموت
يوم قرّرتي إِنّك.. بالدلع تذبحين
"مدارات شعبية"