عسى السحاب اللي نصوبه مخاييل
لامن نشا أرسى حقوقه خياله
لا من رسا وارست نصوبه كما الليل
والبرق في مزنه يقود اشتعاله
يسقي مصده لين تطفح من السيل
وينسف غثاها في جوانب ادواله
ويضفي على الفرعه لوبله هماليل
ويسقي القليب وسايح من شماله
ياخذ شهر والسيل طم المساييل
لا اقفا سحابا جا سحابا بداله
حيث انها مدهال ربع مشاكيل
اهل العلوم الطيب والجماله
قصيرهم يدعى على قحم الحيل
ياخذ سنين يروح ما حس باله
للاجنبي والجار فيهم تنافيل
يسج معهم جارهم عن عياله
متى نشوف النبت جاله تشاكيل
وبيوت ذربين اليماني بجاله
اهل الرباع متعبين المعاميل
يلقى المسير واجبه لا عناله
"مدارات شعبية"