كلٍ رقد وانا دموعي شخاتير
عيّت عيوني عن لذيذ المباتي
اقفوا عرب دارع عساهم مسافير
لعلها شغرة لكم يا شفاتي
ماعاد تلحقهم دروم المعاشير
من دونهم تشكي عطيب الحفاة
خايلتهم لين انتحن المظاهير
من دونهم تزمي لنا النايفاتي
واخوي نطاح الوجيه المسافير
يفزّ بالترحيب للمقبلات
راعي دلالٍ فوق ناره مناحير
ونجر على دب الدهر ما يباتي
يفرح ليا كثروا عليه المسايير
وسوالفه ما هي من الخايعاتي
اخوي شوق اللي قرونه دعاثير
نحار الحريب وينطح الموجباني
"مدارات شعبية"