يا الله ياللي تبدي الخلق وتعيد
يا فارج الضيقه مدبر عبيده
تحفظ سليل المجد ذخر الأماجيد
حاكم حكومة مملكتنا الرشيده
صقر العروبة شوفته عندنا عيد
الله علينا كل عام يعيده
بقلوبنا حبك يابو متعب يزيد
ما فيه فرد إلا جرى مع وريده
يا كافل الأيتام يا سيد السيد
ملك وكل مواصفاتك فريده
لك هيبة ما يحتويها فضا البيد
والحق لنصابه بعد لك تعيده
يا شامخ الهامة كعام الأضاديد
أنشهد أنك يابو متعب وليده
تحمي حما البيتين وتعمر وتشيد
تدي حقوق الله وتخشى وعيده
وتعز شعبك يا قليل المناقيد
وتبحث عن اللي في حياته يفيده
عمار يا دار الرجال الصناديد
آل السعود اللي خطاهم سديده
ساد الأمان وغرد الورق تغريد
والشعب في عهدك حياته سعيده
الله يحفظك من شرور الحواسيد
أهل النفوس الموغلات الحقيده
الله يطول في لياليك ويزيد
عسى سنينك يابو متعب مديده
وحنا جنود للوطن شي أكيد
أرواحنا دونه تقدم زهيده
نسوقها بين الكفن والبواريد
نقضي على الإرهاب عجل ونبيده
انطوع الأشرار روس المقاريد
وتعيش دولتنا وتبقى مجيده
وختامها مني تحية وتمجيد
لحاكم حكومة مملكتنا الرشيدة
"مدارات شعبية"