المجلس اللي وجودي فيه مثل عدمه
والله ما امره ورجلي ما توقف عليه
وش عاد لو نص خلق الله شهد لكرمه
كرامتي تاج راسي ترفضه ما تبيه
من لا هضمني بديهي مستحيل أهضمه
يا سامعي علمه يا سامعه علميه
ومن لا يراني ما اراه أكبر من السمسمه
الحال بالحال والموقف ما يقتضيه
ومن لا يجازي يقولون الرجال رخمه
والعارفه ما يسوق الطيبه للكريه
ماني دنوع يجي لو إن محد عزمه
يرمي بنفسه رماه الله وخليت يديه
أعز نفسي وعز النفس عندي سمه
واروح واقفي واعبد الله ما اعبد الوجيه
اروح للمجلس اللي من يجيه حشمه
راعيه تسمع تراحيبه قبل لا نجيه
وليا لقيته يفز ومرحبا في فمه
والعود الازرق وما ياتي وراه ويليه
قلبه كما الشاش ولسانه ما فيه بلمه
نزيه لو قيل ما بالوقت هذا نزيه
حكيم ما يعترض فالحق والزردمه
صدوق ما صدق الحاقد وهرج السفيه
خصيم ما ياخذ الخصم العنيد سهمه
نبيه واليوم ما يعتاش غير النبيه
أيمن ليا قام في موضوع صعب حسمه
ما فيه ميزه تمناها ولا هيب فيه
معك معك ون قدمت لعلم معك قدمه
ما قام عنك يتدرق باي شي يحميه
هذا ومثله ليا ما اقبل يحث قدمه
والله لحث القدم يمه ما اقول احتريه
اجيه واحب خشمه جعلني ما اعدمه
وآخذ طرايف علومه قبل اسولف عليه
"مدارات شعبية"