مرَّت سنة في عمرها كنها يوم
من حين ابو متعب تسلَّم رسنها
ما قصَّر الوافي ذرى كل مضيوم
يمناه من شان الرعيه رهنها
يعطي بدون حساب والخير مقسوم
مكارمه يشهد عليها زمنها
أبو الكرم والجود حلياه معدوم
عز البلاد وعز منهو سكنها
هلت لنا بعهده مخاييل وغيوم
جزايل المدات كل حضنها
زاد الرواتب واصدر امره بمرسوم
تسعيرة البنزين خفض ثمنها
ومن لطفه أوفى دين من كان محروم
وابرى حزن نفس شكت من حزنها
هذي فعوله والكرم عنده سلوم
وباقي بعد حاجات عنده ضمنها
عش يالمواطن لا يجي قلبك هموم
وانس الليال المقبلات وشجنها
مدام ابومتعب ترى مانت مهضوم
حتى على النجمات تامر وتنهى
بحر ليا اعطى يصبح الخير معموم
مدَّات جوده ينهل الكل منها
الأرض تدعي له والأغصان وكروم
وتمجَّده حتى الطيور بلحِنها
من كثر ما هو صار بالطيب موسوم
طابت لنا الدنيا وبدّت لينها
والناس بدْوَلْها غدت تحلم حلوم
تبغى السعودية وتترك وطنها
دار حشيمه فوقها كل محشوم
من زارها ساعات ما راح عنها
جبت القصيده حبْ ماني بلمزوم
والاّ الوطن روحي فداه وبدنها
والشعر لو انه كما الدر منظوم
ربع عطايا دارنا ماوزنها
ولا خير باللي عنده احساس مكتوم
قصايده عن مدح داره خزنها
اجدد الطاعة وبالبيعة اقوم
واهدي تهاني صدقْ حبي قرنها
ما هي سنه ياجعلها دايم الدوم
وبيدين ابومتعب قيادة رسنها
"مدارات شعبية"