يا لله يا رحمن يا وال الاقدار
يا خالق الاكوان جل جلاله
يا منجي اثنين على حافة الغار
رحماك يا ربا عباده تساله
ترحم عزيزا غير الدار بالدار
صبحية الجمعة وشدت ارحاله
يالله عسى قبره مليا بالانوار
يمتد شوفه فيه لا بعد مدى له
في جنة الفردوس مع كل الابرار
وفي منزل عالي لامنه رقاله
مرحوم ياللي ما اشتكى منه الجار
فزعة بني عمه يغالي حلاله
واخالي اللي كنه الوالد البار
لا شافني رحب وطوح اعقاله
واخالي اللي كنه الحر لا طار
له موكر فوق النوازي عناله
واخالي اللي كنه السيف بتار
لاجاء نهار فيه جد وصماله
بس البقاء في روس شبابة النار
خوالنا يا سعد منهم خواله
خالي محمد راعي الشور لا شار
رايه سديد قبل تاتي افعاله
خالي حمد ومعجب لا صار ما صار
تظهر افعول اهل الوفا والشكاله
وبدر ولد خالي ولا هوب بوار
لا شفت بدر كن خالي خياله
تمت وصلو عد ما ساير سار
على محمد كل ما جاء مجاله
"مدارات شعبية"