يا ساهره ما باسود الليل مصلوح
أضف الهدب يا من لفاه النعاسي
ما تستحق السود يا مشارك الروح
هذا السهر هو والحزن والمآسي
الآدمي في منتهى الوضع مفضوح
يقسى عليه الوقت لو كان قاسي
اترك سواد الليل والسهر والنوح
الوقت بيّن بالجبال الرواسي
الحال ما تبقا على الدوم بنصوح
يومٍ شقا واحيان في كيف راسي
والعكس حاصل والنهايه على جروح
والعقل يكفي ما يفيد الحماسي
خل الامل عندك على طول مفتوح
خلك من اللي للمصيبات ناسي
غنام بن سنيد الهمزاني -حائل
للتواصل
مع ترحيبنا بتواصلكم الشعري والنثري نستقبل مشاركاتكم على العنوان التالي:
ص.ب 354 الرمز البريدي 11411
هاتف 4870000 تحويلة 121-426
فاكس 4871063
مدارات شعبية
"مدارات شعبية"