ملا قلوب الشعب صقر العروبة
حب وولا ماله مثيل بزمانه
مليكنا اللي كل الانظار صوبه
رفع بلاد الخير لأعلى مكانه
عسى السعادة تصحبه في دروبه
وعساه دوم بحفظ ربي وأمانه
الكون كله قادته مع شعوبه
يشهد لجود الصقر وعلوّ شانه
وأطفالنا قبل الكبار انشدوا به
كلّ خفق قلبه وعبّر لسانه
محبة فيها الولا عبروا به
للوافي الشهم الكريم التكانه
هذا مليك الشعب مالك قلوبه
اللي كلامه صادق الفعل زانه
إذا عقد عزمه تهون الصعوبة
فضله غمر شعبه وحصّن كيانه
الناس في كل الوطن رحبوا به
كل يقول بوسط قلبي مكانه
زار الشمال والشرق وأوعد جنوبه
وأفراحنا فوق القصيد وبيانه
يا مرحباً الف بزعيم العروبة
ويا مرحبا باللي معه من اخوانه
عسى السلامة تصحبه في دروبه
وعساه دوم بحفظ ربي وأمانه
"مدارات شعبية"