يا اللي بداك الشيب خذها وصيه
خلك حريص وضمها في فوادك
ترى طلوع الشيب سبر المنيه
لابان خذ حذرك وقدم مزادك
دايم وراك ونيته فيك نيه
قطع الامال وغربةٍ عن بلادك
عقب الفضايا خذك بطن المطيه
وعن ظاهر الغبرا يتم انفرادك
لاشك شمر للحياة الهنيه
تسعد ولا تشقى وتلحق امرادك
ترى ثمنها بالليال الخلية
ممشاك برضا اللي عليه اعتمادك
صبراً على حره وبرد اشتويه
تلقا جزاه ليا رحلت المعادك
وتم الكلام اللي حروفه اشويه
لاشك فيه ومنه ملحك وزاد
"مدارات شعبية"