لا صرت جالس بين غدران وجبال
وعانق بياض الثلج لاسود هضابه
وذاب وتحدر من على الصخر شلال
وعنك الشجر غطاه موج الضبابه
وهب البراد وغرد الطير موال
فوق الغصون اللي سقتها السحابه
وفاحت ورودٍ والندى فوقها سال
عطرٍ شذاها يختلط في ترابه
وشبيت نارٍ لاهبه يشعل إشعال
والزل تفرش بين تلٍ وغابه
ولا زان جمره صف من حولها دلال
فنجالها يبعد شديد الكآبه
في عالياتٍ بالشفاء تسعد الحال
أو بالهدى من حط وانزل زهابه
يا طايف العشاق للحب مدهال
فيك اسفهل نظم الشعر والكتابه
وسحر الطبيعه من بغى سجة البال
في عالي السوده يلاقي جوابه
عسير فيه الشعر والنثر ينقال
من يوم (خالد) حط فيها ركابه
هذي مصايفنا برادات وظلال
كل الأماكن حاسبتلك حسابه
للبنت والطفلة وإصغار وإرجال
مرافق فيه السعد والرحابه
"مدارات شعبية"