البارحة زالت يدي بعض الارقام
واحد بقي والرقم الآخر تزيحه
وش عذرها مالك وتدوين الاقزام
بعض الاسامي مهزله للشريحه
قلت الصراحه بعضهم هم واوهام
البعض منهم ما يساوي ذبيحه
البعض منهم لو بغى الحوم ما حام
يدمج ما بين العايبه والصحيحه
سلم على من لابدا لازمك قام
يشفيك لو كان الموارد شحيحه
لا قلت تكفى رد قدام قدام
هذاك ملهم لانفراد القريحه
هذاك مد بعمره اعوام واعوام
يا رب واليا طاح ترفع مطيحه
بشيد به عبر الصحافه والاعلام
وقفه وهمه والنوايا صريحه
يا هاتفي لا يدخلك غير ضرغام
وانصحك ياللي تستمع للنصيحه
"مدارات شعبية"