الهاجس اللي وظف الشعر توظيف
لا يمكن أستغني عن الهاجس اللي
أصبح يلازمني من الصيف للصيف
على مدى عشر سنوات مضن لي
ياكثر ما هو حل في خاطري ضيف
ويا كثر ما هو زارني في محلي
لكن عليه اليوم بعض التصانيف
وأنا امتثلت الواقعه وأمتثلي
زاد الحماس ورجعته رجعت معيف
وعجزت لا القى له مع الوقت حلي
يبي يصل غاية ولاجت على الكيف
كل الوسائل جابها عنك زلي
وما دامها صارت وراها يد ضعيف
ما لي حسوفه يا عساها تولي
يكفي كشفت بها الحقايق من الزيف
وميزت بين الناس بعضي وكلي
دنيا تخوف صاحي القلب تخويف
ما حركت قلب البعير المفلي
يقوله اللي هاجسه هاجس الصيف
فيه استخير الله واخشع واصلي
"مدارات شعبية"