يالله ماني في رجاك متناسي
يارب يا حلال صعب الدواليب
يا منجي ذالنون من عقب ياسي
يا جاعلٍ يعقوب يقسم له الذيب
رافع سماه بلا عمد بالقياسي
تقبل دعات اللي يناجيك وتجيب
طالبك عز اللي لنا عز راسي
شيخٍ تسلسل من حصان الاطاليب
هذا الملك وابن الملوك الرواسي
لهم على صعب الليالي تجاريب
سهل الجناب بحال وبحال قاسي
اليا اصطفق كفه عطيب المضاريب
شيخ الملوك اللي براسه حماسي
واليا رسم ماهو بهرج وتلاعيب
يبعد عن القلب الحزين العماسي
قول الشرف من فعل يمناه ومصيب
حرٍ بكفه للحباري مداسي
من ماكرٍ يعرف بعيد المجاذيب
لباسهم بالحرب درعٍ وطاسي
هل السيوف اللي تلامع محاديب
ياسيدي لك بأشرف الطيب كاسي
كاس الشرف ما هو بكاس اللواعيب
من الطيب تلبس من نظيف اللباسي
وبالسيف خليت الغنم تصحب الذيب
ولك بالدروب الكايده قو باسي
وإلا الصخا ما صار مثلك ولاجيب
الشعب كله في نظرك متواسي
رتبتهم ياخادم البيت ترتيب
يابن الذي وإن صار عج وحساسي
بالسيف فوق الخيل يروي المغاليب
ياما قطع جوٍ بعيد الرماسي
يتعب ويتعب سايقات المحاقيب
ماجابها بالدرس وإلا الكراسي
بالسيف واليمنى على شمخ النيب
"مدارات شعبية"